Azərbaycan xilasediciləri Türkiyədə 44 nəfəri dağıntılar altından sağ çıxarıb, 164 nəfərin cəsədini çıxarıb
Türkiyədə zəlzələ bölgəsində Azərbaycan xilasediciləri tərəfindən 44 nəfər dağıntılar altından sağ çıxarılıb, 164 nəfərin isə cəsədini çıxarılıb.
Agsaqqallar.com xəbər verir ki, bu barədə Fövqəladə Hallar Nazirliyindən məlumat yayılıb.
Məlumatda bildirilib ki, Azərbaycan Respublikasının Prezidenti İlham Əliyevin tapşırığına əsasən Türkiyədə olan Fövqəladə Hallar Nazirliyinin çevik xilasetmə qüvvələri qardaş ölkədə baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarını fasiləsiz davam etdirirlər.
FHN-in xilasediciləri zəlzələdən ciddi zərər görmüş Kahramanmaraş rayonu ərazisində həyata keçirdikləri axtarış-xilasetmə əməliyyatları nəticəsində dağıntılar altından 9-u uşaq olmaqla 44 nəfəri sağ, 164 nəfərin isə cəsədini çıxararaq aidiyyəti üzrə təhvil veriblər.
Əməliyyatların gedişi barədə əlavə məlumat veriləcək.
