Azərbaycan və Rusiya XİN başçıları Laçın yolundakı vəziyyəti müzakirə ediblər
Dekabrın 22-də Azərbaycanın xarici işlər naziri Ceyhun Bayramovla Rusiyanın xarici işlər naziri Sergey Lavrov arasında telefon danışığı olub.
Agsaqqallar.com “Report”a istinadən xəbər verir ki, bu barədə Rusiya XİN-dən bildirilib.
Nazirlər Azərbaycanın Qarabağ iqtisadi rayonunda filiz yataqlarının qanunsuz istismar edilməsinə görə Rusiya sülhməramlı kontingentinin məsuliyyət zonasında gərginləşən vəziyyəti də müzakirə ediblər.
Məlumata görə, S.Lavrov üçtərəfli sazişlərə ciddi riayət olunmasının vacibliyini vurğulayıb.
Nazir bildirib ki, Rusiya, Azərbaycan və Ermənistan liderlərinin 10 noyabr 2020-ci il, 11 yanvar və 26 noyabr 2021-ci il, həmçinin 31 oktyabr 2022-ci il tarixli üçtərəfli bəyanatlarının icrası istiqamətində ritmik işin davam etdirilməsi labüddür.
