Nazir valyuta ehtiyatlarının stabilliyi məsələsinə toxundu
“Qeyri-neft sektorunun ixrac potensialı sürətlə artır”.
Bu barədə iqtisadiyyat naziri Mikayıl Cabbarov özünün sosial media hesabında yazıb.
O bildirib ki, 2021-ci ilin altı ayında qeyri-neft məhsullarının ixracı ötən ilin müvafiq dövrü ilə müqayisədə 27,1 faiz artaraq 1 162 400 000 dolları ötüb:
“Bu dövrdə qeyri-neft sənaye məhsullarının ixracında 40,1 faizlik artıma nail olunub. Ümumilikdə, birinci yarımillikdə ixracın artımı 14,8 faiz təşkil edib. İxracın artımı maliyyə dayanıqlılığına müsbət təsir etməklə yanaşı, yeni iş yerlərinin yaradılmasını, valyuta ehtiyatlarımızın stabilliyini təmin edir”.
