“TRT Haber” Qanlı yanvar barədə reportaj hazırladı: “Azərbaycanın dinməyən ağrısı”
Azərbaycan müstəqilliyə gedən yolda çox itkilər verdi. Ən ağrılı günlərdən biri isə 1990-cı il yanvarın 20-də Sovet ordusunun tanklarla Bakıya girərək, insanları qətlə yetirməsi olub.
Bu barədə “TRT Haber”in reportajında qeyd edilir.
Yanvarın 19-dan 20-nə keçən gecə Sovet əsgərləri tanklarla Bakıya girdi, qadına, uşağa, cavana, yaşlıya baxmadan insanları qətlə yetirdilər.
Ermənilər 1988-ci ildən sonra torpaq tələblərini artırmağa başladılar. Tələbləri arasında Dağlıq Qarabağ da var idi.
Dağlıq Qarabağın Ermənistanla birləşdirilməsi qərarı Azərbaycanda etirazla qarşılandı. Azərbaycan xalqı bu qərara etiraz olaraq Bakının Azadlıq meydanında mitinqlər keçirdi.
Artan mitinqlər Sovet rəhbərliyini təşvişə saldı. Bunun üçün ilk olaraq 19 yanvarda Azərbaycan televiziyasının enerji təminatçısı partladıldı.
Yanvarın 19-dan 20-nə keçən gecə Sovet ordusuna aid tanklar 5 istiqamətdən Bakıya daxil oldular. Tanklar onlara maneə yaratmağa çalışan insanları öldürərək şəhərə girdilər.
Həmin gecə Bakıda 130-dan çox insan öldü.
Sovet ordusu qətliamını Neftçala, Lənkəran kimi digər vilayətlərdə davam etdirdi və təxminən 150 mülki azərbaycanlı 20 Yanvar hadisələrinin qurbanı oldu.
Hadisələrdə 744 nəfər yaralandı, təxminən 400 nəfər Sovet ordusu tərəfindən nəzarətə alındı.
Şəhidlər 31 Mart 1918-ci ildə ermənilərin hücumları nəticəsində həyatını itirən azərbaycanlıların məzarlarının olduğu, daha sonra Sovet İttifaqının dövründə parka çevrilən Dağüstü Parkda dəfn edildi.
1 milyon azərbaycanlı şəhidləri dəfn etmək üçün Azadlıq meydanına toplaşdı.
Torpaqları üçün canını verənlər Şəhidlər Xiyabanına aparıldı.
Azərbaycan xalqı hər il 20 yanvarda Qara Yanvar şəhidlərini anmaq üçün bu xiyabana axın edir.
Qara Yanvar Azərbaycan xalqının səbrini daşırdı. Azərbaycanlılar artıq Sovet hakimiyyətinə etibar etmirdilər.
Azərbaycan üçün müstəqillik yolunda mühüm addımlar atıldı.
1991-ci ildə Azərbaycan xalqı müstəqilliyini elan etmək istədi.
5 fevral 1991-ci ildə ölkə Azərbaycan Respublikası adlandırıldı.
Azərbaycan müstəqilliyini elan etdikdən sonra, Ermənistanın Dağlıq Qarabağla bağlı iddiaları ilə əlaqədar etnik qarşıdurmalar yaşandı.
Azərbaycanlılar sonuncu dəfə 18 oktyabr 1991-ci ildə müstəqilliklərini elan etdilər.
Ermənilərin 1988-ci ildən bəri davam edən 32 illik işğalı Azərbaycan ordusunun uğurlu əməliyyatı ilə başa çatdı.
Qarabağ 2020-ci ildə azad edildi.
