Daxili İşlər Nazirliyi vətəndaşlara təşəkkür edib
Daxili İşlər Nazirliyi (DİN) vətəndaşlara müraciət edib.
Müraciətdə deyilir:
“Əziz vətəndaşlar!
Xüsusi karantin rejiminin sərtləşdirilməsi ilə əlaqədar ötən həftənin şənbə və bazar günlərində sizlərə yaşayış yerini və olduğu yeri tərk etmək qadağan edilib. Sizin sağlamlığınız naminə atılan bu addımları anlayışla qarşıladığınıza görə, xüsusi karantin rejiminin tələblərinə riayət etdiyinizə görə sizə daxili işlər orqanlarının bütün şəxsi heyəti adından təşəkkürümüzü bildiririk!
Siz səbr və təmkinlə iki gün evdə qalmaqla həm özünüzün, həm də yaxınlarınızın sağlamlığını qorumuş oldunuz. İnanırıq ki, gələcəkdə də belə qərar verilərsə, siz yenə də eyni səbr və təmkin nümayiş etdirəcəksiniz.
Bir daha təşəkkür edirik!”
Oxşar Xəbərlər
- TAİB-in sədr müavini Şərafət Şəfa : “Gənclərimiz tarixi həqiqətləri bilməli və gələcək nəsillərə ötürməlidirlər”
- Rusiya MN-dən Qarabağdakı son vəziyyətlə bağlı açıqlama
- Mustafa Yeniasır:”Türk dünyasının farklı bölgelerine baktığımızda aralarındaki mesafe fiziki anlamda uzak olsa da kültüre dair birçok şeyin ortak olduğunu söyleyebiliriz”