Tatarıstanda Heydər Əliyevin anadan olmasının 101-ci ildönümünə həsr olunmuş tədbir keçirilib

Mayın 6-da Tatarıstan Respublikasının Ticarət və Sənaye Palatasında Heydər Əliyevin anadan olmasının 101-ci ildönümünə həsr olunmuş tədbir keçirilmişdir. Tədbir çərçivəsində Ticarət və Sənaye Palatasının zalında fotosərgi təşkil olunub.

Tədbirdə müxtəlif rayonlardan nümayəndələr iştirak edib, Heydər Əliyevin yüzilliyi ilə bağlı lentə alınmış sənədli film nümayiş olunub. İştirakçıları Tatarıstan Respublikası Ticarət-Sənaye Palatası sədrinin birinci müavini Artur Nikolaev salamlayıb.
O qeyd edib ki, son vaxtlar Azərbaycan ilə Tatarıstan Respublikası arasında qarşılıqlı əlaqələr ciddi müsbət dinamika nümayiş etdirir. “Təkcə onu qeyd etmək kifayətdir ki, 2022-ci ildə Tatarıstan Respublikasının Azərbaycanla ticarət dövriyyəsi iki dəfə artıb. Ötən il bir neçə dəfə nümayəndə heyətləri gəlmişdi, apreldə Azərbaycan sahibkarları ilə ayrıca forum keçirilmişdir. İyun ayında respublikanın Sənaye və Ticarət Nazirliyinin böyük nümayəndə heyəti Azərbaycanda səfərdə olub – cavab səfəri olub”.

Qeyd edək ki, “Ximqrad” texnopolis Azərbaycanın sənaye obyektləri ilə fəal işləyir və hazırda birgə layihələrin həyata keçirilməsi ilə bağlı danışıqlar aparılır. Azərbaycanla birbaşa uçuşların olması da ticarət-iqtisadi əməkdaşlığın inkişafına töhfə verir.