TAİB-in Gənclər Təşkilatı “Gənclərdə mərhələli karyera inkişafı” adlı tədbir keçirib
Türk Ağsaqqaları İctimai Birliyinin –TAİB-in Gənclər Siyasəti Komitəsinin sədri Aytac Ağakişizadənin təşkilatçılığı ilə 10 iyun 2023-cü il tarixində “Gənclərdə mərhələli karyera inkişafı” adlı tədbir keçirib.
Agsaqqallar.com xəbər verir ki, tədbirdə klinik psixoloq Xanım Abdullayeva və Ictimai Tv-də yayımlanan MAG ( Müasir Azərbaycan Gənci) verilişinin redaktoru və prodüseri Nailə Mirzəzadə TAİB gənclərinə gələcək karyeralarında ən çox diqqət etməli olduğu nüansları diqqətə çatdırıb. Gənclərin suallarını cavablandıran qonaqlar gənclərin bu addımının təqdirəlayiq olduğunu vurğulayıblar.
Gənclərin daha çox əzmli, inamlı addımlarla inkişafı üçün oxuyub elm sahibi olmaqla yanaşı, özgüvən və özinamın vacib olduğunu, düşüncə tərzinin həyat tərzinə təsirindən danışıblar. O da qeyd olunub ki, gənclərin qazandıqları nailliyyətlərə iradə və idrakın böyük təsiri var. Səmimi ortamda davam edən diskussiya gənclərə böyük stimul verib. Gənclər çıxışlarında belə görüşlərin davamlı olacağını vurğulayıblar. Sonda xatirə şəkillər çəkilib.
