TDT-nin Baş Qərargahında bayraqlar yarıya endirilib
Türkiyədə baş verən zəlzələdə ölənlərin xatirəsinə elan edilən 7 günlük milli matəmlə əlaqədar Türk Dövlətləri Təşkilatının (TDT) Baş Qərargahındakı bayraqlar yarıya endirilib.
Agsaqqallar.com xəbər verir ki, bu barədə qurumdan bildirilib.
Məlumata görə, qərargahda yerləşən bütün üzv və müşahidəçi dövlətlərin bayraqları yarıya qədər endirilib.
“Qardaş Türkiyənin xalqı və rəhbərliyi ilə hər zaman həmrəy olan TDT bir daha türk xalqına başsağlığı verir, həyatını itirənlərə Allahdan rəhmət, yaralananlara isə şəfa diləyir”, TDT-dən bildirilib.
Qeyd edək ki, fevralın 6-da Türkiyədə dəhşətli zəlzələ olub. Nəticədə 3381 nəfər ölüb, 20 426 nəfər yaralanıb.
