TAİB-in İdarə Heyətinin üzvü, millət vəkili Hikmət Babaoğlu Türkiyə və Azərbaycan dostluq qrupu başqanlarına roman və monoqrafiyasını təqdim edib

Azərbaycanda səfərdə olan qardaş Türkiyə Cümhuriyyəti Böyük Millət Məclisinin millət vəkilləri Qərbi Azərbaycan İcmasında görüş keçiriblər.
Agsaqqallar.com xəbər verir ki, görüş zamanı TAİB-in İdarə Heyətinin üzvü, millət vəkili Hikmət Babaoğlu Türkiyə və Azərbaycan dostluq qrupu başqanları hörmətli Şamil Ayrıma və hörmətli Əhliman Əmiraslanova “Qara Duman” adlı romanını və “Türk tarixi və mifaloji dünya görüşündə adlar” monoqrafiyasını təqdim edib.
Qeyd edək ki, romanın mövzusu Qərbi Azərbaycanda yaşayan soydaşlarımızın tarixi, məişəti və həyat tərzidir .Əsərin qəhrəmanı Oktar ermənilərə qarşı verdiyi mücadilədən sonra vətənindən didərgin edilir, 1988 –ci ildə Bakıya gəlir və 20 yanvar hadisələrində şəhid olur.