TÜRKSOY-un Baş katibi: “Vesperm ilə Şuşanın dostlaşması bizə yeni fəaliyyət imkanları açır”
“Avropanın mədəniyyət paytaxtı Vesprem şəhəri ilə Türk dünyasının mədəniyyət paytaxtı Şuşa şəhəri arasında əməkdaşlıq müqaviləsi imzalanmaqla mədəniyyət fəaliyyətlərimiz üçün yeni imkanlar açıldı”.
Agsaqqallar.com “Report”a istinadən xəbər verir ki, bu sözləri Beynəlxalq Türk Mədəniyyəti Təşkilatının (TÜRKSOY) Baş katibi Sultan Rayev tviter səhifəsində paylaşıb.
O, paylaşımında TÜRKSOY-un Daimi Şurasının qərarı ilə 2023-cü ildə Şuşa şəhərinin türk dünyasının mədəniyyət paytaxtı elan edildiyini xatırladıb. Bu səbəbdən Baş katib qeyd edib ki, bu fürsəti hər baxımdan dəyərləndirmək lazımdır: “Mədəniyyət, maarifləndirmə, təbliğat fəaliyyətləri istiqamətində bu fürsətdən istifadə etməliyik”.
Qeyd edək ki, yanvarın 30-da Prezident İlham Əliyevin Macarıstana səfəri çərçivəsində Azərbaycanın Şuşa şəhəri və Macarıstanın Vesprem şəhəri arasında dostluq əlaqələrinin təsis edilməsi və mədəniyyət, turizm, şəhərsalma, elm, iqtisadiyyat və ictimai həyatın digər sahələrində əməkdaşlığa dair Anlaşma Memorandumu imzalanıb.
Sənədi Azərbaycan Prezidentinin Şuşa rayonunda xüsusi nümayəndəsi Aydın Kərimov və Vesprem şəhərinin meri Gyulya Porqa imzalayıblar.
Oxşar Xəbərlər
- Ramin Əhmədov: “Heç bir Azərbaycan vətəndaşı dövlət qayğısından kənarda qalmır və bundan sonra da qalmayacaq
- TAİB-in İntizam Komissiyasının sədri Nüsrət Paşayev açıqlama verdi: “Vətəndaş cəmiyyətində intizamlılıq vacib amildir- TAİB ötən ili nümunəvi başa vurdu”
- TDT Heydər Əliyevlə bağlı paylaşım edib