Bişkəkdəki Fransa səfirliyinin qarşısında həlak olmuş azərbaycanlı uşaqların şəkilləri ilə aksiya keçirilib
Bişkəkdəki Fransa səfirliyinin binasının önündə 20 nəfərin iştirakı ilə piket keçirilib. Bu barədə bu gün, 28 oktyabr tarixində AZfront məlumat verib.
Aksiya iştirakçıları əllərində iki il əvvəl İkinci Qarabağ müharibəsi zamanı Azərbaycanın raket atəşinə məruz qalması nəticəsində həlak olan uşaqların şəkillərini tutublar. Nümayiş olunan transparantlarda fransın, rus və qırğız dillərində “Fransa azərbaycanlı uşaqların ölümünə etinasız yanaşır”, “Gəncədə həlak olan uşaqlarla bağlı sanksiyalar tətbiq edin” kimi sloqanlar qeyd olunub.
Həmçinin həlak olmuş uşaqların qara lentlə bağlanmış şəkilləri ilə yanaşı iştirakçılar əllərində Fransa Senatına və xalqına ünvanlanan petisiyanın emblemini əks etdirən plakatlar saxlayıblar.
Sözügedən petisiya 11 oktyabr tarixində Fransanın Mesopinions.com saytında yerləşdirilib. Cəmi üç həftəyə yaxın müddətə petisiyanı imzalayanların sayı artıq 50.000-i keçib. Bu təşəbbüsü dəstəkləyənlər tək Azərbaycanda yaşayanlar yox, həmçinin İranda yaşayan azərbaycanlılardır.
Xatırladaq ki, petisiyaya dəstək üçün ilk aksiya 15 oktyabr tarixində Bakıda Fransa səfirliyinin qarşısında baş tutub. Növbəti piket Azərbaycan diasporunun nümayəndələrinin iştirakı ilə oktyabrın 19-da Moskvada, ayın 26-sı isə Astanada keçirilib.
Beləliklə, Fransa Senatına ünvanlanmış bu petisiya dünyanın müxtəlif yerlərində: Azərbaycanda, İranda, Rusiyada, Qazaxıstanda, Qırğızıstanda yaşayan azərbaycanlıları birləşdirdi.
Oxşar Xəbərlər
- “XƏZƏR” KLİNİKASININ BAŞ HƏKİMİ, TİBB ÜZRƏ FƏLSƏFƏ DOKTORU İLQAR YUSUBOVUN SÖZ XƏZİNƏSİNDƏN
- TDT Dövlət Başçılarının Fövqəladə Zirvə görüşü türk xalqları arasında birliyin təcəssümüdür
- Xalqımızı qarşıdan gələn Yeni il və Dünya Azərbaycanlılarının Həmrəylik günü münasibəti ilə təbrik edir, xalqımıza rifah, dövlətimizə əmin-amanlıq arzulayıram-Fəttah Heydərov