İkinci Beynəlxalq təhlükəsizlik konqresi keçirilib

Yazı fontunu küçültür Yazı fontunu büyütür

Gündəlik həyatımızın bir parçasına çevrilən  kəşfiyyat, təhlükəsizliyin təmin edilməsinin vacib vasitələrindən biri olmaqla yanaşı,  iqtisadi, sosial, sosial və mədəni dəyişikliklər sayəsində hər bir sahəyə nüfuz edərək əhəmiyyətini artırır.

Xüsusilə ünsiyyət və nəqliyyat sahəsindəki sürətli inkişaf beynəlxalq təşkilatların və kommersiya şirkətlərinin təhlükəsizlik sahəsinə olan marağının artmasına səbəb olmuşdur.
Eyni zamanda təhlükəsizlik sahəsindəki bu maraq elmi araşdırmalarda da əks olunmuşdur. Bu sahə ilə bağlı bir çox ölkələrin ali təhsil müəssisələrində bakalavr kursları açılmış, aspiranturada təhsil proqramları qurulmuş, akademik görüşlər və fəaliyyətlər təşkil edilmişdir.

Bu sahədə olan inkişafı nəzərə alaraq,  23-25 ​​Sentyabr 2021 tarixləri arasında “Jandarma və Sahil Mühafizəsi Akademiyası” (JSGA) tərəfindən keçirilən İkinci Beynəlxalq Təhlükəsizlik Konqresinin əsas mövzusu “Kəşfiyyat və Təhlükəsizlik” olaraq təyin edilmişdir.

Min illərlə davam edən dövlət ənənələrinin və yüz illərlə mövcud olan kəşfiyyat tarixinin mirasçısı olaraq JSGA, Türkiyədə bu sahəyə töhfə verməyi özünə vəzifə hesab edir və konfransda bu məsələnin müxtəlif aspektlərini müzakirə edilmişdir.

Türkiyə və dünyanın aparıcı mütəxəssislərinin iştirakı ilə keçirilən bu beynəlxalq konfransda bir sıra alimləri iştirak etmişdir.

Azərbaycan Respublikasının Prezidenti yanında Dövlət İdarəçilik Akademiyasının Dövlət qulluğu və kadr siyasəti kafedrasının dosenti, siyasi elmlər üzrə fəlsəfə doktoru Murtəza Həsənov Türkiyə Respublikası Prezident Aparatının dəstəyi ilə bu ölkənin Daxili İşlər Nazirliyinin Jandarm və Sahil Təhlükəsizliyi Akademiyasının təşkil etdiyi “ İkinci Beynəlxalq təhlükəsizlik konqresində iştirak edib.
Beynəlxalq konfransda dosent Murtəza Həsənov “Qlobal Təhlükəsizlik Təhdidi Olaraq Epidemiya: Azərbaycanda COVID-19 ilə Mübarizə Strategiyası və Siyasətləri ” mövzusunda məruzə edib.
Murtəza Həsənov müasir müstəqil dövlətimizin qurulmasında və inkişafında ümummilli lider Heydər Əliyevin müstəsna xidmətlərini vurğulayıb, Prezident İlham Əliyevin apardığı siyasətin uğurlu nəticələrindən danışıb.

Azərbaycanlı alimə beynəlxalq konfransın sertifikatı təqdim olunub.

reklam

FACEBOOK YORUMLARI

YORUMLAR