Hazırda Azərbaycanda yayılan virus “Delta” ştammıdır – RƏSMİ
“Virus infeksiyalarında mutasiyalar aşkarlandığı zaman mövsümi xarakter daşıyır”.
Bunu Nazirlər Kabineti yanında operativ qərargahın keçirdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) Xəstəliklərin kontrolu və profilaktikası departamentinin müdiri Yaqut Qarayeva bildirib.
O qeyd edib ki, hazırda respublikamızda yayılan ştamm “Delta” ştammıdır:
“Bu ştammın müalicəsində heç bir fərq yoxdur. Bizim üçün xəstənin klinik vəziyyəti önəmlidir. Bu ştamm səbəb olub ki, belə sürətli şəkildə kəskin artım müşahidə olunub”.
